Poytaxt hokimining turizm boʻyicha oʻrinbosari ishdan olindi
Ayni paytda Shavkat Mirziyoyev turizm boʻyicha videoselektor yigʻilishi oʻtkazmoqda.
Toshkent shahri hokimining turizm masalalari boʻyicha oʻrinbosari F.Davrukov lavozimidan ozod etildi. Bu haqda Prezident tomonidan oʻtkazilayotgan selektorda maʼlum qilindi.
Oxirgi yillarda poytaxtda “Toshkent siti”, “Toshkent moll”, “Medjik siti” kabi turizm maskanlari barpo etildi. Bu majmualarga yiliga 4 milliondan ziyod odam tashrif buyuryapti, ularning 35 foizidan koʻpi xorijiy turistlar.
Lekin poytaxt hokimligi oʻz tashabbusi bilan yangi takliflar bilan chiqmayotgani tanqid qilindi, deyiladi prezident matbuot xizmati xabarida.
Shu bois Toshkent shahri hokimining turizm masalalari boʻyicha oʻrinbosari F.Davrukov lavozimidan ozod etildi. Bosh vazirga turizm boʻyicha har bir hokim oʻrinbosari ishiga baho berish topshirildi.