Narzullo Oblomurodov agrar univesitetga prorektor etib tayinlandi
U 2021 yilda Ekologik partiyadan prezidentlik saylovida qatnashib, 4,1 foiz ovoz toʻplagandi.
Oblomuradov Narzullo Naimovich – Toshkent davlat agrar universitetining oʻquv ishlari boʻyicha prorektori lavozimiga tayinlandi.
Tayinlovga qadar u Toshkent moliya instituti prorektori lavozimida ishlab kelayotgandi. Undan avval Ekologiya vaziri oʻrinbosari, Ekologiya va atrof-muhitni muhofaza qilish qoʻmitasi rahbari lavozimlarida ham ishlagan.
Eslatib oʻtamiz, Narzullo Oblomurodov 2021 yilda Ekologik partiyadan Oʻzbekiston prezidentligiga nomzod sifatida koʻrsatilgan. 24 oktabr kuni boʻlib oʻtgan ovoz berish natijalariga koʻra, 4,1 foiz ovoz bilan toʻrtinchi oʻrinni olgandi.