Oʻzbek snayperlari xalqaro musobaqada birinchi boʻldi
Shuningdek, uumumiy shartlarda merganlar besh marta rekord natija koʻrsatdi.
Oʻzbekistonlik merganlar Turkiyada oʻtkazilgan xalqaro musobaqada 1-oʻrinni qoʻlga kiritdi. Bu haqda Mudofaa vazirligi matbuot xizmati xabar berdi.
Turkiya Respublikasida 20-31 may kunlari "Eng ilgʻor mergan jamoasi" musobaqasi oʻtkazildi. 11 davlatning 36 ta jamoa ishtirokidagi bellashuvlarda Oʻzbekiston Mudofaa vazirligining merganlar jamoasi ham qatnashdi.
Oʻzbekistonlik merganlar bir nechta shartlarda 5 marotaba rekord natijalarni qayd etdi.
Musobaqa natijalariga koʻra, Oʻzbekiston Mudofaa vazirligi harbiy xizmatchilari faxrli 1-oʻrinni qoʻlga kiritdi. Shohsupaning ikkinchi oʻrni mezbon davlat — Turkiyaga, uchinchi pogʻona esa Bahrayn jamoasiga nasib etdi.