Starlink sunʼiy yoʻldosh tizimida nosozlik kuzatildi
Shikoyatlarning asosiy qismi AQShdan kelgan.
Starlink sunʼiy yoʻldosh aloqa tizimida nosozlik yuz berdi. Kompaniya X ijtimoiy tarmogʻida muammoni bartaraf etish ustida ishlayotganini eʼlon qildi.
Downdetector xizmati maʼlumotlariga koʻra, 40 mingga yaqin foydalanuvchi nosozliklar haqida shikoyat qilgan. Bir soat oʻtgach, Starlink oʻz faoliyatini qayta boshlaganini eʼlon qildi.
Downdetector maʼlumotlariga koʻra, uzilishlar Toshkent vaqti bilan taxminan 06:07 da boshlangan. Shikoyatlarning aksariyati AQShdan kelgan.
Kanada, Avstraliya, Buyuk Britaniya, Germaniya, Yangi Zelandiya va Meksikadagi foydalanuvchilar ham nosozliklar haqida xabar berishgan. Toshkent vaqti bilan soat 8:31 holatiga koʻra, nosozliklar haqidagi shikoyatlar soni 230 taga kamaydi.
Starlink - bu Ilon Maskning Space X kompaniyasi tomonidan yuqori tezlikdagi sunʼiy yoʻldosh Internetga kirishni taʼminlash uchun joylashtirilgan global sunʼiy yoʻldosh tizimidir.