Tadbirkorning mablagʻini oʻzlashtirgan mutaxassis fosh boʻldi
U 9 turdagi texnika mahsulotlarining shtrix kodini qalbaki mahsulotlarning shtrix kodiga oʻzgartirib, arzon narxlarda sotgan.
Yakkasaroy tumanida tadbirkorning 146,7 mln soʻmlik mulkini oʻzlashtirgan mutaxassis aniqlandi.
Bosh prokuratura huzuridagi Departamentning Yakkasaroy tuman boʻlimi tomonidan tadbirkorlik subʼektlarining huquqlarini himoya qilish yuzasidan oʻtkazilgan tergovga qadar tekshiruvda fuqaro S.R. “U.M.” MChJning mahsulotlarni qabul qilish va tayyorlash boʻlimi mutaxassisi vazifasida ishlab kelib, tanishi A.T. bilan 9 turdagi texnika mahsulotlarining shtrix kodini qalbaki mahsulotlarning shtrix kodiga oʻzgartirib, yaqin qarindoshlari nomiga ochilgan profillar orqali umumiy qiymati 146,7 mln soʻmlik mahsulotlarni 17,8 mln soʻmga sotib olishib, tadbirkorning mulkini talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) jinoyat ishi qoʻzgʻatilib, tergov harakatlari oʻtkazilmoqda.