Buyuk Britaniyada iyulda umumiy saylovlar oʻtkaziladi
Bosh vazir Rishi Sunak parlament tarqatib yuborilishini eʼlon qildi. Uning aytishicha, "har bir ovoz uchun qattiq kurash boʻladi".
Buyuk Britaniya Bosh vaziri Rishi Sunak 4 iyulda umumiy saylov oʻtkazilishini eʼlon qildi. Sunak avvalroq monarxdan 30 may kuni parlamentni tarqatib yuborishga ruxsat olgan.
Sunak inglizlarga murojaat qilar ekan, mamlakatning ichki muammolari va xavfsizlik masalalari haqida gapirdi. U Ukrainadagi iqtisod, migratsiya va urush bilan bogʻliq mavzularga toʻxtaldi.
"Dushman davlatlar chegaralarimiz yaxlitligiga tahdid qilish uchun migratsiyadan qurol sifatida foydalanmoqda", - dedi Britaniya Bosh vaziri.
Hukumat rahbarining soʻzlariga koʻra, Buyuk Britaniyaning kelajagi qanday boʻlishini hal qilish vaqti keldi. Sunak uning kabinetida aniq reja borligini aytdi va britaniyaliklardan "Kimga ishonasiz?" degan savolga javob berishni soʻradi.
Sunak keyingi bir necha hafta ichida har bir ovoz uchun kurashishini aytdi.
Muxolifatdagi leyboristlar yetakchisi Key Starmerning aytishicha, butun mamlakat saylov eʼlon qilinishini kutgan. Uning aytishicha, "jamiyat va davlatni oʻzgartirish vaqti keldi”. Starmer saylov kampaniyasini yaxshiroq kelajakni taʼminlash uchun imkoniyat deb atadi.
Eslatib oʻtamiz, amaldagi bosh vazir Rishi Sunak 2022 yil oktabrdan buyon bosh vazir lavozimini egallab keladi.