Blinken: Raisiy vafotidan keyin Eron xalqi oʻzini yaxshiroq his qilmoqda

AQSh Davlat departamenti rahbari yaqinda Eronda roʻy bergan voqealarga “Raisiy vafotidan keyin Eron xalqi oʻzini yaxshiroq his qilmoqda” deya munosabat bildirdi.

Davlat kotibi Entoni Blinken Senatning Xalqaro munosabatlar qoʻmitasi tinglovlaridan birida soʻzlagan nutqida shunday degan.

“Uning (Raisiyning) sudya sifatida va prezident lavozimida boʻlgan paytida daxldor boʻlgan dahshatli qilmishlar inobatga olinsa, uning Eron xalqiga boshqa daxldor boʻla olmasligi, katta ehtimol bilan, yaxshi boʻldi”, degan Blinken.

Bundan avvalroq, AQSh Senatida Demokratik koʻpchilik yetakchisi Shumer, razvedka idoralari unga Eron prezidenti Raisiy vertolyoti halokatga uchraganida "hech qanday “iflos” oʻyin roʻy berganining isboti yoʻqligi”ni maʼlum qilganini aytgan edi.

Rasmiy Vashington esa Eron prezidentining vafoti munosabati bilan hamdardlik bildirgan. "Qoʻshma Shtatlar Eronning shimoli-gʻarbiy qismida roʻy bergan vertolyot halokatida Eron prezidenti Raisiy, tashqi ishlar vaziri Abdullohiyon va boshqa delegatsiya aʼzolarining halok boʻlishi munosabati bilan rasman hamdardlik bildiradi", deyilgan AQSh Davlat departamenti bayonotida.