Buxoroning sobiq prokurori yangi lavozimga tayinlandi
U Toshkent davlat yuridik institutini tamomlagan, adliya vaziri oʻrinbosari vazifasida ham ishlagan.
Mahmudjon Shuhratovich Istamov Oʻzbekiston Respublikasi Oliy Majlis Qonunchilik palatasi devoni rahbari lavozimiga tayinlandi.
Tayinlovga qadar Mahmudjon Istamov Buxoro viloyati prokurori lavozimida ishlagan.
Mahmud Istamov 1979 yilda tugʻilgan, maʼlumoti oliy — Toshkent davlat yuridik institutini tamomlagan, mutaxassisligi — huquqshunos.
U 2014−2019 yillarda Prezident administratsiyasidagi Oliy Majlis, siyosiy va jamoat tashkilotlari bilan hamkorlik qilish xizmati Siyosiy partiyalar bilan hamkorlik qilish shoʻʼbasi mudiri, Siyosiy-huquqiy masalalar xizmati Sud-huquq sohasidagi qonunchilik shoʻʼbasi mudiri lavozimida faoliyat yuritgan. Adliya vazirining oʻrinbosari hamda birinchi oʻrinbosari lavozimlarida ham ishlagan.