Surxondaryoda Tracker yuk mashinasiga urilishi oqibatida 5 kishi halok boʻldi
Haydovchi va uning turmush oʻrtogʻi voqea joyida qurbon boʻlgan. Yana uch kishi shifoxonada jon bergan.
Surxondaryoda Tracker haydovchisi boshqaruvni yoʻqotishi oqibatida YTHga uchradi. Oqibatda besh kishi halok boʻlgan. Hodisa 2024 yil 12 may kuni, soat 10:30 lar atrofida sodir boʻlgan.
Eʼlon qilingan maʼlumotlarga koʻra, Tracker yoʻl chetida toʻxtab turgan ZIL yuk avtomobiliga borib urilgan.
Hodisaning birlamchi sababi sifatida Tracker haydovchisining boshqaruvni yoʻqotishi sifatida keltirilgan. Haydovchi va uning turmush oʻrtogʻi voqea joyida, uch yoʻlovchi esa shifoxonada olamdan oʻtdi, deyiladi xabarda.
Avvalroq Sariosiyodagi YTHda haydovchi va uning ikki farzandi vafot etgandi.