Yerda soʻnggi 20 yildagi eng kuchli magnit boʻroni kuzatilmoqda
Ushbu hodisa qutb yorugʻliklarining dunyo boʻylab koʻrish imkoniyatini yuzaga chiqardi.
Soʻnggi 20 yildagi eng kuchli magnit boʻroni shimoliy qutb yorugʻliklarni Tasmaniyadan Britaniyagacha kuzatish imkoniyatini yuzaga chiqardi, deb yozadi AFP.
Agentlik qayd etishicha, energetika kompaniyalari, aviakompaniyalar va sunʼiy yoʻldosh operatorlari hokimiyatdan Yer magnit maydonidagi oʻzgarishlar tufayli yuzaga kelishi mumkin boʻlgan uzilishlar haqida ogohlantirish olgan.
Rasmda Liverpuldagi Krosbi-Bich tasvirlangan boʻlib, u Shimoliy chiroqlarning ajoyib manzarasiga ega edi.
AQShda uni hatto janubda - Alabama va Shimoliy Kaliforniyada koʻrish mumkin edi. Rossiyada - hatto Rostov-na-Donda ham bu hodisa kuzatildi.
"Quyosh boʻroni - bu quyosh faolligi tufayli Yerning magnit maydonidagi buzilish. Bu hodisa magnit maydonning tebranishlariga olib kelishi mumkin, bu esa oʻz navbatida oʻtkazgichlarda, jumladan, inson tanasida elektr tokining paydo boʻlishiga olib keladi”, deb ogohlantirdi Rossiya Fanlar akademiyasi Koinot tadqiqotlari instituti Quyosh astronomiyasi laboratoriyasi rahbari Sergey Bogachev. RBK bilan suhbatda.
" 7—8 ballik geomagnit boʻron qoʻzgʻalishi kun davomida kuzatilishi prognoz qilinmoqda. Ertaga xavfsiz qoʻzgʻalishlarga qaytadi...
Bu kabi taʼsirga moyil kishilar spirtli ichimliklar ichishdan tiyilishi, koʻp ovqatlanmaslik, jismoniy zoʻriqish bilan bogʻliq turli mashqlar bajarmaslik, koʻproq dam olishi, koʻproq suv, yalpiz-koʻk choy damlarini ichish tavsiya etiladi.
Hozirda dunyoda radioaloqa bilan bogʻliq mini (balki mega) blekautlar kuzatilayotgan boʻlishi kerak" deya yozadi oʻzbek meteorologi Erkin Abdulahatov.