Yil oxirigacha 300 mingga yaqin kishi migratsiyadan qaytishi kutilmoqda
2024 yilning yanvar-mart oylarida bu koʻrsatkich 120 mingga yaqinni tashkil etgan.
![Yil oxirigacha 300 mingga yaqin kishi migratsiyadan qaytishi kutilmoqda](https://cp.platina.uz/media/CACHE/images/YlJM11um7I7XpUoWckPELnwj-7DV9uX6.6adb6bdb698d.webp)
Shavkat Mirziyoyev 10 may kuni oʻtkazilgan yigʻilishda migratsiya masalasiga toʻxtaldi.
Prezident bandlik va aholi daromadi masalasi birinchi darajali ahamiyatga ega ekanini yana bir bor taʼkidlab, bu borada oqsoqlikka yoʻl qoʻyib boʻlmasligi haqida barcha darajadagi rahbarlarni ogohlantirdi.
Yana bir muhim masala – tartibli va xavfsiz mehnat migratsiyasi.
Joriy yilning yanvar-mart oylarida mehnat migratsiyasidan 58 ming nafar, aprelda 57 ming nafar fuqaromiz qaytib kelgan. Yil oxirigacha yana 250-300 ming nafari qaytishi prognoz qilinmoqda.
Ularni ishga joylashtirish, ijtimoiy masalalariga koʻmaklashish muhimligi taʼkidlandi.
Mutasaddilarga migratsiya boʻyicha yagona axborot platformasini yaratib, “mahalla yettiligi” tizimi bilan integratsiya qilish, xorijda mehnat qilayotgan va qiyin vaziyatga tushib qolgan yurtdoshlarimizga koʻmaklashish, qaytgan fuqarolarni ishga joylashtirish yuzasidan topshiriqlar berildi.
Muhokama qilingan vazifalar yuzasidan tarmoq va hududlar rahbarlarining hisoboti tinglandi.
Avvalroq prezident charm va ipak sanoatidagi muammolar haqida gapirgandi.