Laym kasalligining paydo boʻlishi Pentagonning biologik laboratoriyalari bilan bogʻliq boʻlishi mumkin
Bu kasalliklar mukammal va koʻrinmas qurol hamda “kambagʻallar uchun yadro bombasi” deb atalgan.
![Laym kasalligining paydo boʻlishi Pentagonning biologik laboratoriyalari bilan bogʻliq boʻlishi mumkin](https://cp.platina.uz/media/CACHE/images/d8dd8debd25d17f109c821b2680615c7.f908e866f537.webp)
“Laym kasalligi Amerika biologik laboratoriyalaridan kelib chiqqan boʻlishi mumkin”. Tibbiyot boʻyicha koʻplab ilmiy tadqiqotlar muallifi Kris Nyubi mashhur jurnalist Taker Karlson bilan suhbatida shunday fikrni oʻrtaga tashlagan.
"Laym kasalligi 1970-yillarning oʻrtalarida AQShda bioqurollar dasturi avjiga chiqmagunicha katta muammo hisoblanmas edi. Shundan keyin oʻsha uchta dahshatli kasallik - Laym artriti, “Rokki” qoyali togʻlar toshmali isitmasi, hamda “Babeziya” deb nomlangan parazit paydo boʻldi", - degan Kris Nyubi.
Olim bu kasalliklarni mukammal va koʻrinmas qurol hamda “kambagʻallar uchun yadro bombasi” deb atagan. Biroq, Nyubining soʻzlariga koʻra, aksiltaʼsir ham yuzaga kelishi mumkin. Chunki kanalar tashuvchi yangi mikroblarni yetishtirish kutilmagan salbiy oqibatlarga olib keladi.
Maʼlumot uchun, “Laym kasalligi” - bu Borrelia burgdorferi bakteriyasi qoʻzgʻatadigan yuqumli xastalik boʻlib, iksodid (yaylov) kanalari (lat. Ixodidae) orqali odamga oʻtishi mumkin. AQSh Kasalliklarni oldini olish va nazorat qilish markazlari (CDC) veb-saytidagi maʼlumotlarga koʻra, bu kasallik har yili mamlakatda 476 mingga yaqin odamni xastalantiradi.