Qirgʻiz-tojik chegarasida otishma sodir boʻldi
Tasdiqlanmagan maʼlumotlarga koʻra, Tojikiston fuqarolaridan biri oyogʻidan yaralangan boʻlishi mumkin.
Qirgʻiz-tojik chegarasida yana otishma sodir boʻlgani xabar berildi.
24.kg Qirgʻiziston Milliy xavfsizlik davlat qoʻmitasiga asoslanib yozganidek, 7 may kuni tushdan keyin Batken viloyatining Oq-Bosogo qishlogʻi yaqinida Qirgʻiziston chegara xizmati Tojikiston fuqarolari Qirgʻiziston hududida chorva mollarini boqib yurgan 250 nafar choʻponni payqab qolgan. Choʻponlar mol boqayotgan hudud davlat chegara chizigʻidan 300 metrni tashkil etgan. Choʻponlar chegarachilarning hududni tark etish talabiga eʼtibor bermagan.
"Choʻponlardan biri chegarachi tomon bir necha marta oʻq uzgan, vaziyat keskinlashuvining oldini olish maqsadida Qirgʻiziston chegarachilari havoga ogohlantiruvchi oʻq uzgan, shundan soʻng choʻponlar Tojikiston hududiga qochib ketishgan", — deyiladi xabarda.
Chegarachilar jabrlanmagan. Tasdiqlanmagan maʼlumotlarga koʻra, Tojikiston fuqarolaridan biri oyogʻidan yaralangan boʻlishi mumkin. Tomonlar chegara vakillarining uchrashuvi kutilmoqda.