Vazir Andijon aeroporti qachon qayta ishga tushishini aytdi
Eslatib oʻtamiz, ushbu aeroport 2023 yil 1 apreldan taʼmirlash uchun yopilgandi.
Oliy Majlis Qonunchilik palatasi majlisida Transport vaziri Ilhom Mahkamovga Andijon xalqaro aeroporti qachon qayta ishga tushishi boʻyicha savol berildi.
Vazirning aytishicha, bir yil muddatda aeroportda yangi uchish yoʻlagi va terminal qurilib, foydalanishga topshiriladi.
"Aeroportning uchish yoʻlagi yaroqsiz holatga kelgan. Rekonstruksiya ishlari boshlangan, 3 kilometr uzunlikdagi yoʻlak demontaj qilingan, u yangi beton qoplama bilan qoplanadi. Bir yil muddatga ishni bitirib, yangi holatda topshiramiz. Aytish kerakki, Andijon aeroportidan Fargʻona va Namangan aeroportlariga tekin avtobus qatnovi yoʻlga qoʻyilgan", deya javob berdi vazir.
Eslatib oʻtamiz, Andijon aeroporti 2023 yil 1 apreldan taʼmirlash uchun yopilgandi. Oʻshanda aeroport yil oxirigacha yopilishi maʼlum qilingandi.