Samarqandda 4 magnitudali yer silkinishi kuzatildi
Zilzila shuningdek, Qashqadaryo viloyatidagi ayrim tumanlarda ham sezilgan.
FVV Seysmoprognostik monitoring Respublika markazi maʼlumotiga koʻra, Oʻzbekiston hududida mahalliy vaqt bilan 06.05.2024 10:41 da (06.05.2024 yil, Grinvich boʻyicha 05:41 da) zilzila sodir boʻldi.
Epitsentr: Samarqand viloyati, Urgut tumani. Zilzila koordinatalari: 39,32 gradus shimoliy kenglik; 67,46 gradus sharqiy uzunlik. Magnituda M=4. Chuqurlik 10 km. Zilzila epitsentri Toshkentdan 263 km janubiy-gʻarbda.
Oʻzbekiston Respublikasi hududida sezilish kuchi:
Urgut tumanida 2-3 ball, 29 km.
Toyloq tumanida 2 ball, 38 km.
Kitob tumanida 2 ball, 38 km.
Bulungʻur tumanida 2 ball, 45 km.
Shaxrisabz tumanida 2 ball, 47 km.
Samarqand tumanida 2 ball, 51 km.
Eslatib oʻtamiz, kecha 5 may kuni Namangan viloyati ham 3,7 magnitudali zilzila kuzatilgandi.