Putin taktik yadro qurollari ishtirokida mashgʻulot oʻtkazishga buyruq berdi
Mashgʻulotlar "gʻarb rasmiylarining provokatsion bayonotlari va tahdidlari" sabab oʻtkazilishi aytilgan.
Rossiya strategik boʻlmagan yadro qurollari bilan mashgʻulot oʻtkazadi.
Rossiya Mudofaa vazirligining xabar berishicha, Bosh shtab prezident Vladimir Putin topshirigʻiga binoan yaqin kelajakda Janubiy harbiy okrug raketa tuzilmalari va Harbiy-dengiz floti qoʻshinlarining oʻquv mashgʻulotlarini oʻtkazishga tayyorgarlik koʻrmoqda. Undan "strategik boʻlmagan yadroviy qurollardan foydalanish masalalari" (taktik deb ham ataladi) oʻrin oladi.
Mashqlar, taʼkidlanishicha, "gʻarb rasmiylarining provokatsion bayonotlari va tahdidlariga" javoban tayyorlanmoqda va tez orada oʻtkaziladi.
Xabarda aynan qaysi bayonotlarga ishora qilinayotgani aniqlanmagan. Mashqlar oʻtkaziladigan joy ham maʼlum qilinmagan.
2024 yil fevral oyining oxirida Financial Times gazetasi jurnalistlar tanishishga muvaffaq boʻlgan Rossiya maxfiy hujjatlari haqida yozgandi: ular Rossiyaning taktik yadroviy qurollari bilan bogʻliq.
Nashrdan maʼlum boʻlishicha, Rossiya tomonidan haqiqatda undan foydalanish chegarasi Rossiya rasmiylari oshkora eʼlon qilganidan ancha past.
Misol uchun, Rossiya harbiylari (nashrga koʻra) undan "davlatlarni tajovuzdan ... yoki harbiy mojarolarning kuchayishidan ushlab turish" uchun foydalanishi mumkin.
Eslatib oʻtamiz, soʻnggi paytlarda Gʻarb Ukrainaga qoʻshin yuborish va Rossiya bilan urush masalasida tez-tez bayonotlar berilmoqda. Avvalroq NATO va Rossiya toʻqnashuvi ehtimoli past deb baholangan, lekin alyans urushga tayyorgarlikni boshlangani aytilgandi.