Toshkentdagi Usmon musʼhafi restavratsiya qilinadi
Bu haqda Prezident yordamchisi Saida Mirziyoyeva maʼlum qilgan.
Oʻzbekiston prezidenti yordamchisi Saida Mirziyoyeva Usmon musʼhafi qoʻlyozmasini borib koʻrdi.
Prezident topshirigʻiga koʻra, Toshkentda YuNESKO tomonidan "Jahon Xotirasi" roʻyxatiga kiritilgan Usmon musʼhafi (Toshkent Qurʼoni) qadimiy qoʻlyozmasini konservatsiya va restavratsiya qilish ishlari rejalashtirilgan.
"Ushbu ezgu ishga oʻz hissasini qoʻshadigan barchaga minnatdorlik izhor etaman. Birgalikda biz muqaddas qoʻlyozmani kelajak avlod uchun saqlab qola olamiz" deya yozadi Mirziyoyeva.
Eslatib oʻtamiz, Usmon musʼhafi qadimiy qoʻlyozma sanaladi, uning yozilishi uchinchi xalifa Usmonga nisbat beriladi.