Taniqli aktyor Mashrab Kimsanov vafot etdi
U "Vodillik kelin", "Olovli yoʻllar", "Otamdan qolgan dalalar", "Masxaraboz", “Umid” va boshqa filmlarda rol ijro etgan.
Madaniyat
2-may 2024 yil
Oʻzbekistonda xizmat koʻrsatgan artist, taniqli kinoaktyor Mashrab Kimsanov 69 yoshida vafot etdi
Bu haqda Milliy kinematografiyani rivojlantirish markazi xabar berdi. Xabarlarga koʻra, aktyorning oʻlimiga uzoq davom etgan xastalik sabab boʻlgan.
Maʼlumot uchun, Mashrab Kimsanov "Vodillik kelin", "Olovli yoʻllar", "Otamdan qolgan dalalar", "Masxaraboz", “Umid”, “Zebuzar”, “Hayot mamot”, “Haqiqiy erkaklar ovi”, "Sehrli qalpoqcha", "Onaginam orzusi" kabi koʻplab filmlarda esda qolarli rollarni ijro etgan. Shuningdek, ijodkor "Togʻlik kuyov" filmining postanovkachi rejissyori hisoblanadi.
