Xitoyda avtomobil yoʻli oʻpirilishi oqibatida 19 kishi halok boʻldi
Rasmiylarning fikricha, favqulodda holatga oʻtgan haftadagi kuchli jala sabab boʻlgan boʻlishi mumkin.
Xitoyda avtomobil yoʻlining qulashi oqibatida 19 kishi halok boʻldi.
Fojia bugun, 1 may kuni Xitoy janubidagi Guandun provinsiyasida yuz berdi. RIA "Novosti" Xitoy markaziy televideniyesiga tayanib yozishicha, vayronalar ostida 18 ta mashina qolib ketgan.
Yana 30 kishi shifoxonada. Ularning hayoti xavf ostida emas.
Qulagan avtomobil yoʻlining uzunligi 17,9 metr, maydoni 184,3 kvadrat metrni tashkil qiladi.
Rasmiylarning fikricha, favqulodda holatga oʻtgan haftadagi kuchli jala sabab boʻlgan boʻlishi mumkin. Qutqaruv operatsiyasida 500 dan ortiq odam ishtirok etmoqda.