Insoniyat oziq-ovqatning deyarli beshdan bir qismini chiqindiga tashlab yubormoqda

Sayyoramizda 800 milliondan ortiq odam oziq-ovqat tanqisligidan aziyat chekmoqda.

Shu bilan birga, BMTning Atrof-muhit dasturi maʼlumotlariga koʻra, ishlab chiqarilgan oziq-ovqat qoldiqlarining 19 foizi chiqindiga tashlab yuboriladi.

Insoniyat dunyodagi oziq-ovqat mahsulotlarining deyarli beshdan bir qismini isrof qiladi. BMT hisoboti iqlim oʻzgarishi sabablarini bartaraf etishga bagʻishlangan global nodavlat tashkilot WRAP bilan hamkorlikda ishlab chiqilgan. Hisobotga koʻra, 2022 yilda 1,05 milliard tonna oziq-ovqat chiqindilari (shu jumladan, yeyilmaydigan qismlar) ishlab chiqarilgan boʻlib, aholi jon boshiga 132 kilogrammni va isteʼmolchilarga taqdim etiladigan barcha oziq-ovqat mahsulotlarining deyarli beshdan bir qismini tashkil etadi.

2022 yilda umumiy oziq-ovqat chiqindilarining 60 foizi uy xoʻjaliklari tomonidan ishlab chiqarilgan, oziq-ovqat xizmatlari 28 foiz va chakana savdo 12 foizni tashkil qiladi.

"Oziq-ovqat chiqindilari global fojiadir. Butun dunyo boʻylab oziq-ovqat isrof boʻlayotgani sababli bugun millionlab odamlar och qoladi", — dedi UNEP ijrochi direktori Inger Andersen. "Bu nafaqat jiddiy rivojlanish muammosi, balki ortiqcha chiqindilarning oqibatlari iqlim va tabiatga jiddiy zarar yetkazadi. Maʼlumki, mamlakatlar bu masalaga eʼtibor qaratsa, oziq-ovqat yoʻqotilishi va isrofgarchiligini sezilarli darajada kamaytirishi, iqlim taʼsirini va iqtisodiy yoʻqotishlarni kamaytirishi, global maqsadlar sari olgʻa siljishni tezlashtirishi mumkin".

Har bir inson yiliga 79 kilogramm oziq-ovqat va oziq-ovqat qoldiqlarini tashlaydi.

Mutaxassislarning taʼkidlashicha, sayyoramizda sakkiz yuz millionga yaqin odam oziq-ovqat tanqisligidan aziyat chekmoqda.

Oziq-ovqat chiqindilari, deya taʼkidlaydi hisobot mualliflari, global iqtisodiyotga zarar yetkazishda davom etmoqda va iqlim oʻzgarishi, atrof-muhitning ifloslanishi va vayron boʻlishiga hissa qoʻshmoqda.