Tayvanda yana kuchli zilzila kuzatildi
Orolda shu yilning 3 aprel kuni yuz bergan yer silkinishi oqibatida 17 kishi qurbon boʻlgandi. Eng halokatli zilzila esa 1999 yilda sodir boʻlgan.
Tayvan meteorologiya xizmati kecha tunda orolning sharqiy qirgʻoqlarida maksimal 6,3 magnitudali 80 dan ortiq zilzila sodir boʻlganini maʼlum qildi.
Uning bir qismi poytaxt Taybeyda sezilgan.
Qurbonlar va jabrlanganlar haqida maʼlumotlar yoʻq.
Birinchi silkinishlar mahalliy vaqt bilan taxminan 17:10 da boshlangan.
Yer silkinishlari asosan 3 aprel kuni 7,4 magnitudali zilzila epitsentrida boʻlgan Xualyan okrugi qishloqlariga taʼsir koʻrsatdi. Keyin togʻli hududlardan birida koʻchki sodir boʻlib, yoʻllar toʻsib qoʻyilgan. Tuman poytaxtidagi koʻplab binolar shikastlangan. 3 aprel kuni sodir boʻlgan zilzila kamida 17 kishining hayotiga zomin boʻlgandi.
Yer silkinishidan soʻng Xualyan oʻt oʻchirish boshqarmasi xabar berishicha, birinchi zilzila paytida vayron boʻlgan mehmonxona binosi sezilarli darajada qiyshaygan.
Tayvan ikkita tektonik plitalarning tutashgan joyida joylashgan, shuning uchun orolda zilzilalar tez-tez sodir boʻladi.
3 apreldan keyin yuzlab yerosti silkinishlari Xualyan shahrida tosh qulashiga sabab boʻldi.
Tayvan tarixidagi eng kuchli zilzila 1999 yilda yuz bergan va unda 2400 kishi halok boʻlgan.
Shundan soʻng, orolda zilzilalarga chidamlilik talablari ortib borayotgan qattiq qurilish qoidalari joriy etildi. Bundan tashqari, hukumat tomonidan aholining tabiiy ofatlardan xabardorligini oshirish uchun maxsus dastur amalga oshirildi.