“Sen kuchlisan”: ezgu gʻoya parvozi davom etadi
Bunday xayriya tadbirlari orqali koʻplab bolajonlarning hayotini saqlab qolish mumkin.
Bugun “Sen kuchlisan” ijtimoiy loyihasining navbatdagi rasm koʻrgazmasi boʻlib oʻtdi.
Tadbirdan asosiy maqsad – onkologik va gematologik kasallikka chalingan bolajonlarni qoʻllab-quvvatlash, ularga xursandchilik ulashishdir. Shu bilan birga ular tomonidan chizilgan suratlar koʻrgazmasi va kimoshdi savdolari oʻtkazildi. Ushbu savdodan yigʻilgan mablagʻlar Oʻzbekistonda onkologiyaga chalingan bolalar oʻrtasida oʻlim koʻrsatkichlarini pasaytirishga sarflanadi.
Koʻrgazmada 15 nafar bola qatnashdi. Auksionga qoʻyilgan suratlarni chizgan bolalar oʻz ijodlari atrofdagilarga maʼqul kelayotgani, uni sotib olishayotganidan xursand boʻlsa, ayrim surat egalari kasallik tufayli hayotdan koʻz yumishgan. Bunday xayriya tadbirlari orqali koʻplab bolajonlarning hayotini saqlab qolish mumkin.