Saratonga yoʻliqmaslikning oddiy yoʻli maʼlum qilindi

Singapur Milliy universiteti tadqiqot guruhi saraton xavfi va notoʻgʻri ovqatlanish, shuningdek, diabet kabi keng tarqalgan kasalliklar oʻrtasida bogʻliqlik borligini aniqladi. Cell jurnalida chop etilgan tadqiqot saratondan "qochish"ning oddiy usulini ochib beradi.

Tadqiqotchilar BRCA2 genining nuqsonli nusxasiga ega boʻlganligi sababli koʻkrak yoki tuxumdon saratoni rivojlanish xavfi yuqori boʻlgan bemorlarni oʻrganishdi. Bunday bemorlarning hujayralari glyukoza parchalanishi paytida hosil boʻlgan metilglioksal taʼsiriga ayniqsa sezgir ekanligi isbotlangan. Ushbu modda DNKda saraton rivojlanishiga olib keladigan nuqsonlarni keltirib chiqaradi.

Biroq, BRCA2 ning nuqsonli nusxasini meros qilib olmagan odamlar metilglioksal miqdori meʼyordan ham yuqori boʻlishi mumkin.

Bu masalan, semizlik yoki notoʻgʻri ovqatlanish bilan bogʻliq diabet holatida sodir boʻladi. Bu odamlarda olimlar saraton rivojlanishining yuqori xavfini koʻrsatadigan biomarkerlarni aniqladilar.

Metilglioksal saraton kasalligining oldini oluvchi himoya genlarini vaqtincha faolsizlantirishi mumkin va notoʻgʻri ovqatlanish yoki nazoratsiz diabetning takroriy epizodlari vaqt oʻtishi bilan «toʻplanishi» mumkin va bu kasallikning rivojlanish xavfini oshiradi. Demak notoʻgʻri ovqatlanish saraton debochasi boʻlishi ehtimoli katta.

Mualliflarning fikriga koʻra, metilglioksalning yuqori miqdori odatda dori-darmon va parhez yordamida nazorat qilinishi mumkin, bu saratonga qarshi profilaktika choralarini kuchaytiradi.