Qashqadaryo va Samarqandda soliq rahbarlari tayinlandi
Jumladan, Samarqand soliq boshqarmasi rahbari Qashqadaryoga oʻtkazilgan.
Qashqadaryo va Samarqandda soliq rahbarlari tayinlandi. Bu haqda DSQ matbuot xizmati xabar berdi.
Eshmatov Sirojiddin Togʻaymurodovich Qashqadaryo viloyati soliq boshqarmasi boshligʻi etib tayinlandi.
Sirojiddin Eshmatov tayinlovga qadar Samarqand viloyati soliq boshqarmasi boshligʻi lavozimida ishlab kelayotgan edi.
Sirojiddin Eshmatov 1971 yil Qashqadaryo viloyatida tugʻilgan. Maʼlumoti oliy. U 1991 yilda Toshkent xalq xoʻjaligi institutini, 1999 yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
Tolliyev Elyor Musurmanovich Samarqand viloyat soliq boshqarmasi boshligʻi lavozimiga tayinlandi.
Elyor Tolliyev 1983 yil Samarqand viloyatida tugʻilgan. Maʼlumoti oliy. U 2004 yilda Samarqand qishloq xoʻjaligi institutini, 2020 yilda Oʻzbekiston Respublikasi Prezidenti huzuridagi Davlat va jamiyat qurilishi akademiyasini tamomlagan
Elyor Tolliyev mazkur tayinlovga qadar Urgut tumani davlat soliq inspeksiyasi boshligʻi lavozimida faoliyat olib borgan.