Toshkent metrosiga yangi poyezdlar olib kelindi
May oyida yana 3 ta metro poyezdi olib kelinadi, bu orqali harakatlar oraligʻi qisqarishi moʻljallanmoqda.
Toshkent shahriga yana yangi toʻrt vagonli 2 ta zamonaviy metro poyezdlari olib kelindi. Bu haqda "Toshkent metropoliteni" DUK xabar berdi.
Yoʻnalishlardagi vaqt intervallarini yanada qisqartirish maqsadida, ushbu harakat tarkiblari belgilan yoʻriqnomaga asosan, 8-10 kun davomida texnik sinovdan oʻtkazilib, soʻngra yoʻlovchilarga xizmat qilishi uchun yoʻnalishlarga chiqariladi.
Xabarda aytilishicha, 2024 yil may oyida yana 3 ta metro poyezdi olib kelinishi rejalangan. Bu rejaviy ishlar natijasida, metro vagon parklarini yangilash va belgilangan vaqt intervallarini yanada qisqartishga erishish maqsad qilingan.
Eslatib oʻtamiz, Toshkent metrosiga soʻnggi bor fevral oyida ham yangi poyezdlar olib kelingandi. Soʻnggi vaqtlarda metroda poyezdlarning toʻxtab qolishi va tirbandlik boʻyicha shikoyatlar vujudga kelayotgandi.