Parkent tumaniga yangi hokim tayinlandi
Shu paytgacha bu lavozimda ishlagan Shohruh Shoahmedov "faoliyatida yoʻl qoʻygan bir qator kamchiliklari uchun" lavozimdan olingan.
Isaqulov Sardor Dadajonovich Parkent tumani hokimi etib tayinlandi. Sardor Isaqulov 1986 yili Toshkent viloyatida tugʻilgan. Maʼlumoti – oliy. 2011 yilda Toshkent davlat texnika universitetini (kunduzgi) tamomlagan.
U mehnat faoliyatini 2006 yili Markaziy magistral elektr tarmoqlari elektroenergiyasini uzatilishini hisoblash boʻlimida elektr montyori vazifasidan boshlagan. Shuningdek, Oʻzbekiston Respublikasi Energetika vazirligida masʼul vazifalarda ishlagan.
Lavozimga tayinlangunga qadar "Issiqlik elektr stansiyalari" AJ boshqaruv raisining ishlab chiqarish, mahalliylashtirish, koperatsion aloqalarni kengaytirish boʻyicha birinchi oʻrinbosari lavozimida ishlab kelayotgan edi.
Shu paytgacha tuman hokimi lavozimida ishlab kelayotgan Shohruh Shoahmedov faoliyatida yoʻl qoʻygan bir qator kamchiliklari uchun vazifasidan ozod qilindi.
Telegramda kuzatib boring!
