Yuristlar malakasini oshirish markaziga yangi rahbar tayinlandi
U avval Adliya vaziri birinchi oʻrinbosari, Toshkent davlat yuridik universiteti rektori lavozimlarida ishlagan.
Adliya vazirligi qoshidagi Yuristlar malakasini oshirish markaziga yangi rahbar tayinlandi. Ushbu lavozimga adliya vazirining tegishli buyrugʻi bilan Yesemurat Sultamuratovich Kanyazov tayinlandi.Bu haqda Adliya vazirligi matbuot xizmati xabar berdi.
Yesemurat Kanyazov 1971 yilda Qoraqalpogʻiston Respublikasi, Shumanoy tumanida tugʻilgan.
Maʼlumoti oliy, 1993 yilda Moskva davlat avtomobil yoʻllari instituti, 1999 yilda Qoraqalpoq davlat universitetini tamomlagan, muxandis-quruvchi, huquqshunos.
U oʻz mehnat faoliyatini 1996 yilda Qoraqalpogʻiston Respublikasi Adliya vazirligining maslahatchisi lavozimidan boshlagan. 2001 yil aprel-oktabr oylarida Oʻzbekiston adliya vazirining yordamchisi, 2001-2005 yillarda Adliya vazirligining iqtisodiy qonunchilik boshqarmasi boshligʻi, 2005-2011 yillarda adliya vaziri oʻrinbosari, 2011-2013 yillarda birinchi Adliya vaziri oʻrinbosari, 2013-2019 yillarda Toshkent davlat yuridik universiteti rektori vazifasida ishlagan.
Tayinlovga qadar Ye. Kanyazov Adliya vazirligi Intellektual mulk departamenti boshligʻi lavozimida ishlab kelayotgan edi.