Oʻzbekiston 4 davlat harbiylari bilan qoʻshma mashgʻulot oʻtkazadi
Mashgʻulotlar 2024 yil iyul oyida Qozogʻistonda boʻlib oʻtadi.
Oʻzbekiston, Ozarbayjon, Qozogʻiston, Qirgʻiziston va Tojikiston harbiylari 2024 yil iyul oyida qoʻshma harbiy mashgʻulotlar oʻtkazadi. Bu haqda "Interfaks-Ozarbayjon" xabar bermoqda.
Agentlik maʼlumotlariga koʻra, mashgʻulotlar Qozogʻistondagi Oimasha poligonida, shuningdek, Kaspiy dengizida joylashgan Tokmak burnida boʻlib oʻtadi.
Maʼlum qilinishicha, mashgʻulotlar davomida qurolli mojarolar zonasini belgilash yoʻnalishi boʻyicha jangovar tayyorgarlik vazifalarini bajarish boʻyicha harakatlar ishlab chiqiladi.
3 aprel kuni Qozogʻistonning Aktau shahrida Ozarbayjon, Qozogʻiston, Qirgʻiziston, Tojikiston va Oʻzbekiston mudofaa vazirliklari vakillari ishtirokida "Birlestik-2024" ("Ittifoq-2024") tezkor-taktik qoʻmondonlik-shtab oʻquv mashgʻulotlarini tashkil etish va oʻtkazish masalalariga bagʻishlangan rejalashtirish konferensiyasi boʻlib oʻtdi.
Tadbirda mashgʻulotlarga tayyorgarlik koʻrish va galdagi vazifalar bilan bogʻliq masalalar muhokama qilindi, deyiladi xabarda.