Sergeli tuman sudi sudyasi firibgarlikda ayblanmoqda
Sudyalar oliy kengashi yigʻilishida uning vakolati toʻxtatildi va jinoiy javobgarlikka tortishga rozilik bildirildi.
Toshkent shahar jinoyat ishlari boʻyicha Sergeli tuman sudi sudyasi firibgarlikda ayblanib, javobgarlikka tortildi.
Bu haqda Sudyalar oliy kengashining navbatdagi yigʻilishi maʼlum qilingan.
Yigʻilishda Bosh prokurorning Toshkent shahar jinoyat ishlari boʻyicha Sergeli tuman sudi sudyasi Sh. A.ni Jinoyat kodeksining 168- , 28/211-moddalarining tegishli qismi bilan jinoiy javobgarlikka tortishga oid taqdimnomasi muhokama qilindi.
Yakunda Kengash xulosasi bilan Sh. A.ni jinoiy javobgarlikka tortishga rozilik bildirildi va uning sudyalik vakolati toʻxtatildi.
"Tergov siri va aybsizlik prezumpsiyasi talablaridan kelib chiqib, boshqa tafsilotlar oshkor qilinmaydi" deyiladi xabarda.
Avval Chiroqchida, undan ilgariroq Namanganda ham sudyalar pora bilan qoʻlga olingandi.