Mashinasiz yurish tashabbuskorining oʻzi mashinada ishga bordi
Boshqa bir qator amaldorlar esa piyoda, jamoat transporti va velosipedda yurdi.
Bugun Toshkent shahrida Ekologiya vazirligi tashabbusi bilan "Avtomobilsiz kun" aksiyasi oʻtkazilmoqda.
Lekin Ekologiya vaziri Aziz Abduhakimovning oʻzi ishga xizmat avtomobilida borgan. Vazirlik matbuot xizmati buni bugun boʻlib oʻtgan videoselektor bilan bogʻlagan.
Shuningdek, koʻplab vazirlar va boshqa amaldorlar ishga piyoda va jamoat transportida bordi.
Masalan, Sport vaziri Adham Ikromov piyodalar yoʻlakchasidan oʻtayotgani va avtobusda yurgani eʼtiborga tushgan.
Transport vaziri Ilhom Mahkamov ham avtobusdan foydalandi.
Shuningdek, Raqamli texnologiyalar vaziri Sherzod Shermatov, Chilonzor tumani hokimi Saidqahhor Xolxoʻjayev, Markaziy bank raisi Mamarizo Nurmatov ham aksiyada ishtirok etgan.
Bojxona qoʻmitasi raisi Akmalxoʻja Mavlonov esa ishga velosipedda keldi.
