Kuchishlatar tizimlar prezidentga hisobot berishdi

Shavkat Mirziyoyev kuch tuzilmalari rahbarlari ishtirokida jamoat xavfsizligini taʼminlash masalalari yuzasidan yigʻilish oʻtkazdi.

Siyosat
29-mart, 20:49
Kuchishlatar tizimlar prezidentga hisobot berishdi

Shavkat Mirziyoyev 29 mart kuni huquqni muhofaza qiluvchi organlar va kuch tuzilmalari rahbarlari ishtirokida jamoat xavfsizligini taʼminlash masalalari yuzasidan yigʻilish oʻtkazdi.

Ichki ishlar vazirligi va Milliy gvardiya rahbariyatining savdo va xizmat koʻrsatish sohasi yirik obʼektlarida, shu jumladan savdo-koʻngilochar majmualar, bogʻlar, bozorlar va boshqa fuqarolar gavjum boʻladigan joylarda jamoat tartibini saqlash ishlarining tashkil etilishi toʻgʻrisidagi hisobotlari tinglandi.

Davlat rahbari huquqni muhofaza qiluvchi organlar, fuqarolik jamiyati institutlari va tadbirkorlik subʼektlarining bu borada toʻlaqonli hamkorlik qilishlarini taʼminlashga qaratilgan normativ-huquqiy hujjat loyihasini ishlab chiqishga topshiriq berdi.

Ichki ishlar vazirligi va Milliy gvardiya rahbariyati oldiga jamoat tartibini saqlash boʻyicha olib borilayotgan ishlarni yanada kuchaytirish, aholi gavjum boʻladigan joylarda sodir etilishi mumkin boʻlgan terrorchilik harakatlari va boshqa favqulodda vaziyatlarning oldini olishga qaratilgan taʼsirchan choralarni koʻrish vazifasi qoʻyildi.

Avvalroq Toshkent shahridagi savdo majmualari, koʻngilochar maskanlari, bozorlar va boshqa jamoat joylarida xavfsizlik nazorati choralari kuchaytirilgani haqida xabar berilgandi

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+