Binolardagi mozaikalar madaniy meros roʻyxatiga kiritiladi
Ushbu obʼektlarni Davlat kadastri roʻyxatiga olish choralari ham koʻriladi.
Respublika hududida joylashgan binolar devorlarida ishlangan mozaika kompozitsiyalari Moddiy madaniy merosning koʻchmas mulk obʼektlari roʻyxatiga kiritiladi.
Bu haqda hukumatning tegishli qarori qabul qilindi.
Madaniy meros agentligi Kadastr agentligi va hokimliklar bilan ushbu obʼektlarni belgilangan tartibda davlat kadastri roʻyxatiga kiritish choralarini koʻradi.
Bu roʻyxatga kiritilgan obʼektlar mavjud boʻlgan turar joy va noturar joylardagi, ularning muhofaza tegralari va tutash hududlarida rejalashtirilgan qurilish ishlari bilan bogʻliq boʻlgan har qanday faoliyat turi Madaniy meros agentligining xulosasi olingandan soʻng amalga oshiriladi.
Ushbu obʼektlar madaniy qiymatga egaligi toʻgʻrisidagi yozuvlar kadastr hujjatiga kiritiladi.