Alisher Qodirov oʻqishga kira olmaganlarni armiyaga joʻnatishni taklif etdi
"Tartib va masʼuliyatni maktab va harbiy xizmatda oʻrgatmasak, qamoqxonada hech qachon oʻrgatib boʻlmaydi", deydi u.
Oliy Majlis Qonunchilik palatasi spikeri oʻrinbosari Alisher Qodirov oʻqishga kira olmagan yigitlarni bir yillik harbiy xizmatga joʻnatishni taklif etdi.
"Tarbiya masalasida keskin qarorlardan qochmaslik kerak.
Maktabni tugatgan, oʻqishga kirganlardan tashqari barcha oʻgʻil bolalarni toʻlovlarsiz, bir yillik majburiy harbiy xizmatga jalb qilish lozim. Tartib va masʼuliyatni maktab va harbiy xizmatda oʻrgatmasak, qamoqxonada hech qachon oʻrgatib boʻlmaydi.
Oʻzbekistonni erkinlikni hadsizlik deb biladigan, atlas kostyumlilar emas, oʻz qadrini biladigan, tafakkur qiladigan oʻgʻil-qizlar rivojlantiradi" deydi Qodirov.
Shuningdek, Qodirov maktablarda Milliy gvardiya xodimi boʻlishini qoʻllab-quvvatlagan. Uning fikricha, nafaqat Oʻzbekistonda, balki butun Markaziy Osiyoda bogʻcha va maktab milliy xavfsizlik masalasiga aylangan.