Qashqadaryoda gaz balloni portlashi oqibatida 37 kishi jabrlandi
Hodisa bayram sayli vaqtida yuz bergan.
Qashqadaryoda bayram sayli vaqtida gaz balloni portladi, 37 kishi jarohat olgan. Viloyat prokuraturasi mazkur maʼlumotni tasdiqladi.
2024 yilning 18 mart kuni Koʻkdala tumanida oʻtkazilayotgan saylda gaz chaqnashi natijasida gaz balon portlab ketgan.
Oqibatda, 37 nafar fuqarolar yongʻin tufayli turli darajada jarohat olib, shifoxonaga olib kelingan hamda 7 nafari statsionar tartibda shifoxonaga yotqizilgan. 17 nafar kishining ahvoli qoniqarli boʻlganligi bois ambulator koʻrikdan oʻtkazilib, tibbiy yordam koʻrsatilgan, 13 nafarida tan jarohatlari aniqlanmaganligi sababli tibbiy koʻrikdan oʻtkazilib, uyiga qaytarilgan.
Mazkur holat yuzasidan Koʻkdala tuman prokururaturasi tomonidan Oʻzbekiston Respublikasi JKning
207-moddasi 2-qismi bilan jinoyat ishi qoʻzgʻatilib, tergov harakatlari olib borilmoqda.