Semizlik va depressiya oʻrtasida oʻzaro bogʻliqlik aniqlandi
Irlandiyalik olimlar 1800 dan oshiq insonlarning tibbiy maʼlumotlarini tahlil qildilar.
Maʼlumotlarga koʻra, semirish va depressiya oʻrtasida oʻzaro bogʻliqlik mavjud.
Irlandiyaning Kork universiteti kolleji olimlari 1800 dan ortiq katta yoshli koʻngillilarining sogʻligʻi haqidagi maʼlumotlarni tahlil qilishdi. Bu haqda Plos one jurnali xabar bermoqda.
BMI (tana massasi indeksi) ruhiy salomatlik koʻrsatkichlari bilan solishtirildi. 46 yoshdan 73 yoshgacha boʻlgan har bir ishtirokchidan tibbiy maʼlumotlarga kirish uchun ruxsat olindi. Gemoglobin va glyukoza uchun qon testlarini oʻtkazishdan oldin, koʻngillilar bir kechada och qolishdi.
Bemorlarning boʻyi, vazni va bel atrofi ham oʻlchandi.
Tadqiqot BMI va yomon sogʻliq hissi oʻrtasidagi bogʻliqlikni aniqladi. Bundan tashqari, bunday korrelyatsiya erkaklarnikiga qaraganda ayollarda koʻproq topilgan.
Olimlarning fikricha, semirib ketgan keksa odamlarda ruhiy salomatlikning pasayishiga ijtimoiy va jismoniy omillar, jumladan, ijtimoiy stigma, notoʻgʻri qarash va kamsitish sabab boʻladi.
Semirib ketish sogʻliq muammolariga yoʻl ochadi: boʻgʻimlardagi ogʻriqlar, bel ogʻrigʻi, fibromiyaljiya va yurak-qon tomir kasalliklari.