Toshkent viloyatida ikki ishchi baxtsiz hodisa qurboni boʻldi
Har ikkala holat yuzasidan komissiya tuzilib, hodisa sabablari tekshirilmoqda.
Toshkent viloyatida ikki nafar ishchi baxtsiz hodisa oqibatida vafot etdi. Bu haqda viloyat Bandlik va Kambagʻallikni qisqartirish boshqarmasi buyrugʻida maʼlum qilindi.
Jumladan, 2024 yil 10 yanvarda S. Kotov zavodni oʻchirmasdan groxotni tekshirish uchun tepaga chiqib ketgan. U qaytavermagach, sherigi R. Cherepovskiy vaziyatni bilgani borgan va uni groxot yonida yotgan holda topgan. Ishchi 4-shifoxonada olgan jarohatlari sabab vafot etgan.
Shuningdek, 2024 yil fevralida A. Xudaybergenov gʻisht zavodi lentasiga yiqilib tushishi oqibatida ogʻir tan jarohati olgan va vafot etgan.
Toshkent viloyati Bandlik va kambagʻallikni qisqartirish boshqarmasi xabariga koʻra, har ikkala holat yuzasidan komissiya tuzilib, oʻrganish ishlari olib borilmoqda.
Eslatib oʻtamiz, yanvar oyida Angrendagi zavodda ikki ishchi tomdan qulab vafot etgandi.