Prezidentga yangi maslahatchi tayinlandi
U Prezidenti Administratsiyasi Huquqiy ekspertiza va kompleks tahlil qilish departamenti rahbari lavozimida ishlab kelgan.
Bekzot Mardonovich Mavlonov Oʻzbekiston Respublikasi Prezidentining huquqiy ekspertiza va kompleks tahlil qilish masalalari boʻyicha maslahatchisi lavozimiga tayinlandi.
Bu haqda Prezidentning tegishli farmoni eʼlon qilindi.
Shu munosabat bilan u Oʻzbekiston Respublikasi Prezidenti Administratsiyasi Huquqiy ekspertiza va kompleks tahlil qilish departamenti rahbari lavozimidan ozod etildi.
Bekzot Mavlonov avvalgi faoliyati davomida huquq-tartibot organlarida, jumladan prokuratura tizimida xizmat qilgan.
2017 yilda u bosh prokuror oʻrinbosari sifatida ham ishlagandi.