Qoraqalpogʻiston Kambagʻallikni qisqartirish va bandlik vaziri tayinlandi
Yangi vazir avval Qoraoʻzak tumani hokimining birinchi oʻrinbosari lavozimida ishlagan.
Azerbayev Quanishbay Koshkinbayevich — Qoraqalpogʻiston Respublikasi Kambagʻallikni qisqartirish va bandlik vaziri lavozimiga tayinlandi.
Mazkur tayinlovga qadar Q.Azerbayev Qoraoʻzak tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari - iqtisodiy taraqqiyot va kambagʻallikni qisqartirish boʻlimi boshligʻi lavozimida faoliyat yuritgan.
Tayinlov Oʻzbekiston Respublikasi Kambagʻallikni qisqartirish va bandlik vazirining buyrugʻiga asosan amalga oshirilgan.
Eslatib oʻtamiz, 2023 yilning fevralidan buyon ushbu lavozimda Sagʻindiq Turmanov ishlayotgandi. Turmanov 2024 yilning yanvarida Oʻzbekiston mahallalari uyushmasi Qoraqalpogʻiston Respublikasi boshqarmasi boshligʻi sifatida ish boshladi.
