Nurafshonda 14 tup daraxt kesiladi
Daraxtlarni kesish uchun Toshkent Botanika bogʻi va Ekologiya va atrof-muhitni muhofaza qilish va iqlim oʻzgarishi boshqarmasi ruxsat bergan.
Nurafshon shahri hokimi qarori bilan 14 tup daraxt kesiladi.
Tegishli qaror bugun, 7 mart kuni eʼlon qilingan. Unda aytilishicha, mazkur daraxtlar qurib qolgani sababli kesish qarori uchun jamoatchilik muhokamasiga qoʻyilgan.
Shuningdek, daraxtlarni kesish uchun Toshkent Botanika bogʻi ilmiy xulosasi va Ekologiya va atrof-muhitni muhofaza qilish va iqlim oʻzgarishi boshqarmasi ruxsatnomasi ham olingan.
Oʻz navbatida kesilgan daraxtlar oʻrniga yangi koʻchatlar ekish chorasi koʻriladi.
Qaror ijrosi shahar hokimi oʻrinbosari F.Shomurodov zimmasiga yuklangan.
Bir necha kun avval Nurafshon shahar hokimi turli tadbirlar, jamgʻarmalar, radarlar xarid qilish va obodonlashtirish ishlari, gazetalar obunasiga pul ajratgandi.