Shifokor tishlarni uzoq vaqt sogʻlom saqlash shartini aytdi

Tishlar inson hayotida, oziqlanishida muhim oʻrin tutuvchi aʼzolardir. Inson qarigunicha tishni sogʻlom saqlashi mumkin, biroq bunga xalaqit beradigan omillar koʻp.

Nemis Implantologiya markazi bosh shifokori, implantant jarroh, tibbiyot fanlari nomzodi Magomed Daxkilgov bu haqda maʼlumot berdi.

Mutaxassisning fikricha, tish tushishining asosiy xavf omillaridan biri surunkali charchoq va doimiy stressdir.

Ular tufayli bruksizm rivojlanishi mumkin - bu chaynash mushaklarining nazoratsiz qisqarishi, tish emalining asta-sekin yoʻq boʻlishiga olib keladi.

Notoʻgʻri ogʻiz gigiyenasi va yomon odatlar, shu jumladan chekish, veyping va spirtli ichimliklarni isteʼmol qilish ham tishlarning holatiga salbiy taʼsir qiladi. Yana bir omil - surunkali oshqozon-ichak kasalliklari va endokrin kasalliklar mavjudligidir.