Toshkent shahar IIBBga yangi binolar quriladi
Buning uchun yer ajratish boʻyicha poytaxt hokimi qarori imzolandi.
Toshkent shahar IIBB yangi binoga koʻchadi. Poytaxt hokimi Shavkat Umrzoqov boshqarmaga yer maydoni ajratib berish boʻyicha qarorni imzoladi.
Hujjatga koʻra, IIBB uchun Toshkent shahar, Mirzo Ulugʻbek tumani, Qorasuv-4 mavzesi, 11-uy yonida joylashgan aholi punktlaridan 0,23 gektarli yer maydoni ajratiladi.
Bu yerda maʼmuriy bino, koʻp qavatli turarjoy, bolalar maydonchasi va boshqalar barpo etiladi.
Oʻzbekiston Yer kodeksining 36-moddasiga koʻrsatib oʻtilgan holatlar yuzaga kelganda, ushbu qaror belgilangan tartibda bekor qilinadi.
Qaror ijrosini nazorat qilish hokimning birinchi oʻrinbosari Baxtiyor Rahmonov zimmasiga yuklangan.
Eslatib oʻtamiz, avval Shavkat Umrzoqov toshqinlarga qarshi va drenaj tizimi uchun pul ajratgandi.