Adliya vaziri katta mablagʻ ajratish boʻyicha buyruqni imzoladi
Mazkur pul Iqtidorli yoshlarni qoʻllab-quvvatlash jamgʻarmasiga beriladi.
Adliya vaziri Akbar Toshqulov byudjetdan tashqari adliya organlari va muassasalarini rivojlantirish jamgʻarmasi mablagʻlari hisobidan 5 mlrd. soʻm mablagʻ ajratdi.
Tegishli buyruq bugun, 26 fevral kuni eʼlon qilingan.
Unda aytilishicha, pul Maktabgacha va maktab taʼlimi vazirligining Ixtisoslashtirilgan taʼlim muassalari agentligi huzuridagi Iqtidorli yoshlarni qoʻllab-quvvatlash jamgʻarmasiga beriladi.
Mazkur buyruq ijrosini nazorat qilish Adliya vaziri oʻrinbosari Sh.Rabiyevga yuklatilgan.
Avvalroq Chirchiq shahar hokimi Davron Hidoyatov byudjetdan katta mablagʻ ajratgandi.