Sportni rivojlantirish assotsiatsiyasi tashkil etiladi
Prezident yigʻilishida uning vazifasi va tuzilmasi belgilandi.
Oʻzbekistonda nogironlar uchun Sportni rivojlantirish assotsiatsiyasi tuziladi. Bu haqda prezident yigʻilishida maʼlum qilindi.
Imkoniyati cheklangan bolalar boradigan 112 ta maktab va 74 ta bogʻchadagi taʼlim dasturini qayta koʻrib chiqish, maktablarni inklyuziv taʼlimga moslashtirish dasturini amalga oshirish muhimligi taʼkidlandi.
Nogironligi boʻlganlar uchun Sportni rivojlantirish assotsiatsiyasi tashkil etiladi. Paralimpiya qoʻmitasi, tegishli sport federatsiyalari, Oʻzbekiston maxsus olimpiadasi Assotsiatsiya tarkibiga kiradi.
Assotsiatsiya nogironligi bor shaxslarni mahalladan boshlab ommaviy sportga jalb qilish bilan shugʻullanadi va “Besh tashabbus” doirasida sport musobaqalarini oʻtkazib boradi.
Avvalroq yigʻilishda "ijtimoiy karta" joriy etilishi aytilgandi. 1 oktabrdan amalga oshiriladigan loyihaga ijtimoiy yordam va nafaqalar kiritiladi.