Buxoroda prokuror 90 ming dollar pora bilan ushlandi
U 13 fevral kuni DXX xodimlari oʻtkazgan maxsus tadbirda qoʻlga olingan.
Buxoro viloyati Kogon tumani prokurori B.Gʻ. 90 ming AQSh dollari olayotganda DXX xodimlari tomonidan qoʻlga olindi.
U qidiruvdagi shaxsga qoʻllanilgan qamoq ehtiyot chorasini bekor qilish va jinoyat ishi boʻyicha yengillik qilib berish evaziga shuncha pul olgani aytilmoqda.
Xabarda aytilishicha, 2024 yilning 13 fevral kuni soat 23:00larda qoʻlga olingan.
U Buxoro viloyati prokuraturasi ish yurituvidagi “Kogon yogʻ-ekstraksiya zavodi” AJ mansabdor shaxslariga nisbatan jinoyat ishi boʻyicha qidiruvda boʻlgan jamiyat taʼsischisi M.I.dan unga nisbatan qoʻllanilgan qamoq ehtiyot chorasini bekor qilish va jinoyat ishi boʻyicha yengillik qilib berish evaziga vositachi orqali Buxoro shahar shoshilinch tez tibbiy yordam markazi binosi yaqinida 90 ming AQSh dollari olgan vaqtida ushlangan.
Hozircha rasmiy idoralar mazkur hodisaga izoh bergani yoʻq.