Kanalizatsiya quvurini tozalamoqchi boʻlgan ishchi zaharlanib vafot etdi
Shuningdek, yana bir kishi tok urishi oqibatida qurbon boʻlgan.
Toshkent viloyati Angren shahrida kanalizatsiya quvurini tozalamoqchi boʻlgan ishchi zaharlanib vafot etdi. Bu haqda viloyat kambagʻallikni qisqartirish va bandlik boshqarmasi xabarida aytiladi.
Xabarga koʻra, mahalliy MChJda ish taqsimlovchi lavozimida ishlayotgan Oʻ. Ikramov 2024 yil 8 yanvar kuni kanalizatsiya quvurini tozalash uchun tushganda nomaʼlum gazlardan zaharlangan.
Shuningdek, 2024 yil 18 yanvar kuni Qibray tumanidagi MChJ qorovuli ham baxtsiz hodisa qurboni boʻlgan. U issiqxona tomiga chiqqanda kuchli tok urishidan vafot etgan.
Bandlik boshqarmasi eʼlon qilgan hujjatlarga koʻra, har ikkala hodisa yuzasidan komissiya tuzilib, oʻrganish ishlari olib borilmoqda.
Eslatib oʻtamiz, avval ham Toshkent viloyatida baxtsiz hodisa sabab ikki kishi vafot etgandi.