MTRK raisi ishdan olindi
U ilk bor 2005 yilda teleradiokompaniya rahbarligiga kelgandi.
Alisher Xodjayev MTRK raisi lavozimidan ozod etildi.
U 2020 yildan buyon Oʻzbekiston milliy teleradiokompaniyasi raisi lavozimida faoliyat yuritib keladi. Bundan avval u 2005 — 2017 yillar orasida ham Oʻzbekiston teleradiokompaniyasida (hozirgi MTRK) rais boʻlib ishlagan. 2017fevralda ishdan boʻshatilgan va shu yilning avgustida yana MTRK raisi v.b etib tayinlangan. Bu vaqt oraligʻida Xodjayev Vazirlar Mahkamasi huzuridagi millatlararo munosabatlar va xorijiy mamlakatlar bilan doʻstona munosabatlar boʻyicha qoʻmita raisi oʻrinbosarligi lavozimida faoliyat yuritdi.
Shuningdek, Abdurashid Joʻraboyev Oʻzbekiston Milliy teleradiokompaniyasiga raisi etib tayinlandi.
U 2023 yil 14 fevraldan buyon Bosh vazir kotibiyati rahbari lavozimida ishlab kelayotgan edi.
Abdurashid Joʻraboyev mehnat faoliyati davomida Prezident maslahatchisi oʻrinbosari, Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyati mudiri va Oliy Majlis Qonunchilik palatasining Axborot va kommunikatsiya texnologiyalari masalalari qoʻmitasi raisi lavozimlarida ham faoliyat koʻrsatgan.