Jahongir Ortiqxoʻjayev 7 ta kompaniyasini sotdi
Toshkent shahrining sobiq hokimi oʻziga aloqador yetti kompaniya, jumladan Magic City`ni sotganini maʼlum qildi.
Toshkent shahar sobiq hokimi Jahongir Ortiqxoʻjayev 7 kompaniyasini sotganini maʼlum qildi. Bu haqda u Surxondaryo viloyatida oʻtgan “Biznes Marafon”da soʻzga chiqqanda gapirgan.
"Videochilardan iltimos qilardim, kesib tarqatmanglar. Notoʻgʻri tushunishmasin. Yettita kompaniyamni sotdim. Crafers`ni sotdim. Chunki men unda obroʻ qozona olmadim, eplashtira olmadim. Mediaparkniyam hamma magazinlari bilan sotdim, kim ishlayotgan boʻlsa oʻshanga. Ekobozor, Akfa Lighting, Magic Cityni sotdim" deya maʼlum qilgan u.
Shuningdek, Bazalt firmasi ham Germaniyaning Knauf firmasiga sotilgan.
Eslatib oʻtamiz, Jahongir Ortiqxoʻjayev 2018-2023 yillarda Toshkentga hokimlik qilgan, oʻtgan yilgi anomal sovuq paytida ishdan olingandi.
Shuningdek, yaqinda tarmoqda "Paxtakor" futbol klubi sotilishi eʼlon qilindi, unga Ortiqxoʻjayev ham aloqadorligi aytildi. Bir kun oʻtib Davaktiv agentligi klub sotuvdan olinganini eʼlon qildi.