Oʻzbekiston Tailand ustidan ishonchli gʻalabaga erishdi
Osiyo kubogi nimchorak final uchrashuvida milliy terma jamoa yorqin oʻyin namoyish qildi.
Bugun Qatarda oʻtayotgan Osiyo chempionati nimchorak final oʻyinida Oʻzbekiston milliy terma jamoasi Tailand ustidan ishonchli tarzda gʻalabaga erishdi.
Tailand termasi guruh bosqichida oʻz darvozasidan gol oʻtkazmagan edi, hamyurtlarimiz naq 2 marta ishgʻol qilishdi. 37-daqiqada Aziz Turgʻunboyev hisobni ochgan boʻlsa, Abbos Fayzullayev 65-daqiqada gʻalaba golini kiritdi. Tailandliklar 58-daqiqada bir gol bilan javob bera olishdi xolos.
Shu tariqa Oʻzbekiston Osiyo kubogining chorak finaliga yoʻl oldi. Bu bosqichda bizni mezbon Qatar termasi kutib turibdi. Ushbu oʻyin 3 fevral kuni soat 20:30 da boshlanadi.
Osiyo kubogi-2023, nimchorak final
Oʻzbekiston - Tailand 2:1
Gollar: Turgʻunboyev 37, Fayzullayev 65 - Sarachat 58