Nodirbek Abdusattorov yirik turnirda gʻalaba qozondi
Musobaqaning sovrin jamgʻarmasini tashkilotchilar ochiqlamagan.
“Tata Steel Chess 2024” turnirining oxirgi turida oʻzbekistonlik shaxmatchi Nodirbek Abdusattorov murakkab vaziyatdan chiqib ketgan holda gʻalaba qozondi va 8,5 ochko bilan peshqadamlar safida tugatdi.
Nodirbekdan tashqari yana 3 kishida 8,5 ochko bor. Bular: Anish Giri, Gukesh va Vei Yi.
Bu degani endi 4 nafar shaxmatchi chempionlik uchun tay-brekda tezkor shaxmatda kurashadi. Avval yarim finalda 2 ta juftlik, keyin esa final boʻladi. Yarim final juftliklari:
Nodirbek Abdusattorov (Oʻzbekiston) — Vei Yi (Xitoy)
Anish Giri (Niderlandiya) — Gukesh (Hindiston)
Tay-brek bahslari bugunning oʻzida boʻlib oʻtadi.
“Tata Steel Chess 2024” 12-28 yanvar kunlari Niderlandiyada oʻtkazilmoqda. Musobaqaning sovrin jamgʻarmasi tashkilotchilar tomonidan ochiqlanmagan.