Uyqu buzilishi semirishga olib keladi — mutaxassis
Surunkali uyqu buzilishi kuzatilsa, shifokor bilan maslahatlashish zarur.
Uyqusizlik va uyqu buzilishi ortiqcha vazn toʻplash omillari hisoblanadi, deydi rossiyalik psixologiya fanlari nomzodi, somnolog Aleksey Melexin.
Uning soʻzlariga koʻra, hozircha bu jarayonlar nima uchun oʻzaro bogʻliqligi haqida aniq izoh yoʻq. Gipotezalardan biri shundaki, uyqu buzilishidan kelib chiqqan neyrofiziologik oʻzgarishlar kortikal darajada sodir boʻlib, oziq-ovqat tanlovini amalga oshirishga yordam beradi. Bundan tashqari, uyquning yetishmasligi norozilik kayfiyatini kuchaytiradi, u regressiv xatti-harakatlar shakllariga, jumladan, odam och boʻlmasa ham, doimiy ovqatlanishni istashiga olib keladi.
"Agar siz ovqatdan antidepressant yoki kayfiyatni koʻtarish usuli sifatida foydalansangiz, buni tushunishingiz kerak", deydi ekspert.
Agar sizda uyqu buzilishi va kam uxlash kuzatilsa, jismoniy faollikni oshirishingiz va ovqatlanish rejimiga eʼtibor berishingiz kerak. Surunkali uyqu buzilishi boʻlsa, shifokor bilan maslahatlashish yaxshiroqdir.